Тўлқин Қиличев: "Uzbek Tigers" энг кучли боксчиларни олиб келган
The World Series Boxing (WSB) - Бутунжаҳон бокс серияларининг VII мавсумида "Astana Arlans Kazakhstan" жамоаси меҳмони бўлаётган "Uzbek Tigers" мураббийи Тўлқин Қиличев бу жангга энг кучли боксчилар жалб этилганини маълум қилди.
- Қозоғистонга яна келганимиздан хурсандмиз, - деди Тўлиқ Қиличев. - Эртанги жангда шогирдларим ўзларининг энг яхши сифатларини намоён қилади ва рингда нималарга қодирлигини кўрсатади. Жуда қизиқарли учрашув бўлади. бунга шубҳа йўқ. Биз бу беллашувга энг зўр боксчиларимизни олиб келганмиз. Лекин жанг натижасини олдиндан билиб бўлмайди.
Ўзбекистонлик боксчилар ушбу турнирнинг биринчи учрашувида сафарда "China Dragons" жамоасига 2:3 ҳисобида ютқазган. Қозоғистонликлар эса Россияда мезбон жамоа устидан 3:1 ҳисобида ғалаба қозонган.
"Astana Arlans Kazakhstan" - "Uzbek Tigers" учрашуви натижасини SPORTS.uz ахборот порталида кузатиб боринг.
Comments