"Тоттенхэм" асосий ҳимоячисини номаълум муддатга йўқотди

Лондоннинг "Тоттенхэм" клуби ўзининг асосий ҳимоячиларидан бири Киран Триппьердан айрилди. Бу ҳақда Sky Sports нашри хабар бермоқда.

Унга кўра 28 ёшли футболчи кеча "Кристал Пэлас"га қарши баҳсда чов мушакларидан жароҳат олган. Ҳозирча унинг жароҳати қай даражада эканлиги ва соғайиш муддати маълум эмас.

Маълумот учун, Триппьер жорий мавсум "Тоттенхэм" сафида жами 14та ўйинда майдонга тушди ва ўз ҳисобига 1та гол ҳамда 4та голли узатма ёздириб қўйишга эришди.