Тотти фаолиятини якунлаш ҳақида ўйламаяпти

“Рома” клубининг тирик афсонаси Франческо Тотти катта футболдаги фаолиятини якунлаш фикридан йироқ эканлиги ва бу ҳақда ўйламаётганини таъкидлади.

“Ҳозир бу қарорни муҳокама қилиш вақти эмас. Шартномам тугашига яна бир неча ой қолди ҳолос. Мен эса бу вақтда футболдан завқланишни ҳохлайман. Ана ундан кейин келажак режаларим ҳақида қарор қабул қиламан”, - дейди Тотти Rai Sport нашрига берган интервьюсида.

Эслатиб ўтамиз, Тотти римлик “бўрилар” шарафини 1991 йилдан буён ҳимоя қилиб келмоқда. Таъкидлаш керакки, Франческо ушбу мавсум Италия А Сериясининг 9та учрашувида иштирок этиб, ўз ҳисобига 2та гол ҳамда 2та голли узатма ёздириб қўйишга эришган.

Маълумот учун, Тотти кеча бўлиб ўтган Италия кубогининг чорак финалида ҳал қилувчи голни уриб, жамоасини ярим финалга олиб чиққан эди.