Тухель: Каванининг жароҳати борасида ҳеч нарса билмайман

ПСЖ клуби бош мураббийи Томас Тухель уругвайлик ҳужумчи Эдинсон Каванининг жараҳати борасида гапириб ўтди.

“Биз кутишимиз керак. Очиғи, ҳозирча менда бу борада яхши хабарлар йўқ. У МЮга қарши ўйинда майдонга туша оладими ёки йўқ буни билмайман ва бу мени безовта қилмоқда. Бизда худди бошқа Неймар бўлмаганидек, бошқа Кавани ҳам йўқ”, - дейди германиялик мутахассис.

Эслатиб ўтамиз, Кавани кеча “Бордо”га қарши баҳсда жароҳат олиб, номаълум муддатга сафдан чиққан эди. У жорий мавсум 26та ўйинда майдонга тушди ва ўз ҳисобига 22та гол ҳамда 7та голли узатма ёздириб қўйишга эришди.