Тухель қишда ПСЖнинг қайси позициясига янги футболчи сотиб олмоқчи?

Франциянинг ПСЖ клуби бош мураббийи Томас Тухель бўлажак қишки трансферлар даврида қайси чизиқларга футболчи сотиб олишни аниқлаштириб олди.

Sky Sports нашри тарқатган хабарга қараганда германиялик мутахассис январда раҳбариятдан жамоага янги марказий ярим ҳимоячи сотиб олишни талаб қилмоқчи.Чунки, бу позицияда фақатгина Верратти ва Рабьонинг борлиги ўйинда турли тактикалардан фойдаланишни чеклаб қўйган.

Маълумот учун, ПСЖ Франция чемпионатининг ўтган 10та туридан сўнг энг яқин таъқибчисини 8 очкога илгарилаб кетган ҳолда пешқадамлик қилмоқда.