УЕФА Ди Марияни жиддий жазолаши мумкин
Ads

ПСЖ вингери Анхель Ди Мария куни кеча УЕФА Чемпионлар лигаси 1/8 финал босқичидан ўрин олган “Манчестер Юнайтед”га қарши (2:0) ўйиндаги хатти-ҳаракатлари учун жиддий жазоланиши мумкин.

RMC Sport тарқатган хабарга кўра аргентиналик футболчининг ҳаракатлари УЕФА тартиб-интизом кодексининг 15-моддасига мос келади. Гап шундаки, ташкилот Ди Марияни мухлисларга нисбатан провакация қилганликда айбдор деб топиши мумкин. УЕФА бу борадаги қарорини тез орада эълон қилади.

Маълумот учун, 30 ёшли футболчи жорий мавсум ПСЖ сафида жами 32та ўйинда майдонга тушди ва ўз ҳисобига 10та гол ҳамда 12та голли узатма ёздириб қўйишга эришди.