"Удинезе" сўнгги 56 йилда илк бор А Серияда кетма-кет 6та ўйинда ютқазди

“Удинезе” клуби кеча Италия А Сериясининг 30-турида сафарда “Аталанта”га 2:0 ҳисобида имкониятни бой берди.

Opta нашрининг маълум қилишича А Серияда кетма-кет 6та учрашувдан буён мағлубиятга учраб келаётган Массимо Оддо шогирдлари клуб тарихидаги бу борадаги антирекордни такрорлашди. Айтиш лозимки, “Удинезе” бундан аввал 1961/62 йилги мавсумда чемпионатнинг кетма-кет 6та баҳсида имкониятни бой берган. Эътиборлиси, удинеликлар ушбу мавсумнинг ўзида 2 бор бундай ҳолга тушишган.

Маълумот учун, “Удинезе” жорий мавсум А Сериянинг 29та туридан сўнг 33 очко тўплаган ҳолда мусобақа жадвалида 12-ўринда бормоқда.