"Valensiya" Gedeshni sotib olmoqchi

21 yoshli futbolchi o‘tgan mavsum ijara asosida "ko‘rshapalaklar safida to‘p surgan edi. Mavsum so‘nggida ispanlar portugaliyalik futbolchining transfer huquqini sotib olishga harakat qilib ko‘rishgan, ammo yakun omadli chiqmagan edi.

Mundo Deportivo xabariga ko‘ra esa "Valensiya" Gedeshni yana bir mavsumga ijaraga olmoqchi va kelgusi yozda uning transfer huquqini 40 mln evroga sotib olishni niyat qilgan.

PSJ ham Gedeshni sotishga qarshi emas. Boisi, parijliklar moliyaviy feyr-pley qoidalariga amal qilishlari uchun o‘z futbolchisini sotishga majbur.