Вальверде "Барселона"да қолмоқчи

"Барселона" клуби бош мураббийи Эрнесто Вальверде каталонияликлар сафида қолишни режалаштирмоқда. Бу ҳақда Mundo Deportivo нашри хабар бермоқда.

Таъкидлаш керакки, 54 ёшли испаниялик мутахассиснинг “кўк-анор ранглилар” билан амалдаги шартномаси жорий мавсум якунига қадар имзоланган. Аммо, “Барселона” Чемпионлар лигаси ва Ла Лигада ғолибликни қўлга киритса, жамоа раҳбарияти Вальверде билан шартномани узайтириши мумкин.

Эслатиб ўтамиз, Вальверде “Барселона”ни 2017 йилдан буён бошқариб келмоқда. У ўтган давр мобайнида Испания чемпионати, мамлакат кубоги ва Суперкубогини қўлга киритди.