Вальверде "Барселона"нинг янги мавсумдаги мақсадлари ҳақида гапирди

Каталониянинг "Барселона" клуби бош мураббийи Эрнесто Вальверде бошланаётган янги мавсум ҳақида гапириб ўтди.

"Мана Примеронинг янги мавсуми ҳам бошланмоқда. Умид қиламанки, ҳамммаси яхши бўлади. Барча фронтларда кураш олиб боришимиз учун биз етарли футболчиларга эгамиз. Лекин олдинда бизни нималар кутаётганини билмаймиз. Чунки, трансфер деразаси ҳали ёпилганича йўқ.

Бизда зўр футболчилар ва ажойиб жамоа бор. Мақсадимиз Чемпионлар лигаси ва Ла Лигада ғолиб чиқиш. Чунки, "Барселона" ЕЧЛда ғолиб чиққан мавсумда ички чемпионатда ҳам зафар қучган", - дейди Вальверде.

Эслатиб ўтамиз, "Барселона" бугун Ла Лиганинг илк турида ўз майдонида "Алавес"ни қабул қилади.