Venger, Xavi va Anri “Barselona”ni boshqarish uchun nomzodlar qatorida

Ispaniyaning “Barselona” klubi rahbariyati amaldagi bosh murabbiy Ernesto Valverdening o‘rniga yangi o‘rinbosar izlashni boshladi. Bu haqda Marca nashri ma’lum qilmoqda.

Avvalroq “ko‘k-anorlilar” ustozi joriy mavsum yakunida jamoani tark etishi mumkinligi haqida aytib o‘tgandi. Ayni vaqtda kataloniyaliklar rahbariyati quyidagi murabbiylarning short-listini tuzdi: Terri Anri, Arsen Venger, Loran Blan, Roberto Martines, Xavi Ernandes, Yordi Kruiff, Ronald Kuman, Frank De Bur va “Betis” ustozi Kike Seten.

Ma’lumot uchun, Valverde 2017 yildan buyon “Barselona”ga ustozlik qilib kelmoqda. 54 yoshli mutaxassis qo‘li ostida jamoa mamlakat chempioni, Kubogi va Superkubogi sohibiga aylandi.