Венгер: Мукаммал футболчи йўқ, бироқ Месси ушбу даражага етишга яқин турибди

"Арсенал" собиқ бош мураббийи Арсен Венгер "Барселона" юлдузи Лионель Месси ҳақида ўз фикрини билдирди.

- Тан олиш керак, мукаммал футболчилар мавжуд эмас. Бироқ, Месси ушбу мукаммаликга энг яқин турган футболчидир. У жамоадошларига ҳам рақиб дарвозасини ишғол этиш учун ёрдам беради, ўзи ҳам гол уради. Аммо Леонинг ҳам заиф томонлари мавжуд.

Унинг ўйин услубини таҳлил қилганда, шуни гувоҳи бўлишингиз мумкинки, Мессининг иккинчи қаватдаги ҳамда ҳимоя чизиғидаги заифликлари яққол маълум бўлади.

Аммо футболчининг ўйинини заиф томонлари кўрсатмайди. Мураббийнинг вазифаси шундан иборатки, у ўйинчининг кучини юқори даражага чиқариб бериши даркор, - дея Венгернинг сўзларидан иқтибос келтиради  football.london нашри.