Венгер ва Мертезакер бугун “Эмирейтс”даги сўнгги ўйинларини ўтказишади

Бугун Англия Премьер-лигасида 37-тур ўйинлари давом эттирилади. Лондоннинг “Арсенал” клуби ўз майдонида “Бёрнли”ни қабул қилади.

Ушбу ўйин “тўпчилар” бош мураббийи Арсен Венгер ҳамда ҳимоячи Пьер Мертезакер учун “Эмирейтс” стадионидаги сўнгги беллашув бўлади.

Мертезакер футболчилик фаолиятини якунлашини эълон қилган эди. Ўз навбатида 1996 йилдан буён “Арсенал”ни бошқариб келаётган Венгер ҳам  мавсум сўнггида клубдан кетишини маълум қилган эди.