Венгерни дисквалификация қилишлари мумкин

Лондоннинг “Арсенал” клуби бош мураббийи Арсен Венгер “Вест Бромвич”га қарши баҳсдан сўнг айтган  гаплари учун Англия ФАдан дисквалификация қилиниши мумкин.

Ўйин сўнггида учрашув ҳаками Майк Дин лондонликлар дарвозаси томон баҳсли пеналти белгилади ва мезбонлар пеналтидан гол киритиб, мувозанатни тиклашди.

Баҳсдан сўнг Венгер Дин билан гаплашди ва ҳакам ундан узр сўраган эди. Бироқ франциялик мураббий матбуот анжуманида ҳакамликни танқид қилди.

Англия ФА Венгерга нисбатан ушбу ҳолат бўйича иш очди. Венгер 5 январ куни Тошкент вақти билан соат 23.00 га қадар апелляция топшириши мумкин.