Вернблум рафиқаси туфайли фаолиятини Грецияда эмас Туркияда давом эттириши мумкин

Ярим ҳимоячи Понтус Вернблум фаолиятини "Галатасарай"да давом эттириши мумкин.

Аввалроқ хавбек Грециянинг ПАОС клубига кўчиб ўтиши режалаштирилаётганди, бироқ кўчиб ўтиш бекор қилинди. Бунга сабаб Понтуснинг рафиқаси Грецияда яшаш учун жой топмаганлиги бўлди.

32 ёшли Вернблум мавсум якунида Москванинг ЦСКА клуби сафини эркин агент сифатида тарк этди. Москваликлар таркибида футболчи 6 мавсум тўп тепган.