Виктор Мозес Нигерия терма жамоасидаги фаолиятини якунлади

Лондоннинг "Челси" клуби ярим ҳимоячиси Виктор Мозес ўзининг Нигерия терма жамоасидаги фаолиятини якунлашга қарор қилди.

“Кўп ўйланишлардан сўнг Нигерия терма жамоасидаги фаолиятимни якунлашга қарор қилдим. Мен терма жамоа либосида ҳаётимдаги энг унутилмас лаҳзаларни ҳис қилдим. Бу хотиралар ҳаётим сўнггига қадар ўзим билан бирга қолади.

Айнан ҳозир терма жамоадан кетишим учун энг яхши вазият. Энди бор эътиборимни оиламга ва клубдаги фаолиятимга қаратмоқчиман. Умид қиламанки, менинг кетишим нигериялик ёш иқтидорли футболчиларнинг ўзларини кўрсатишлари учун имкон яратади”, - дейди Мозес.

Маълумот учун, Мозес Нигерия терма жамоаси сафида 2012 йилдан буён тўп суриб келаётган эди. У ушбу вақт мобайнида жами 37та ўйинда майдонга тушган ва рақиблари дарвозасига 12та гол уришга эришган.