"Вильярреал" Мексика терма жамоаси ҳимоячиси билан шартнома имзолади

“Порту” клуби ҳимоячиси Мигель Лайюн фаолиятини “Вильярреал”да давом эттирадиган бўлди.

Marca нашри тарқатган хабарга кўра 30 ёшли мексикалик футболчи “сариқ сув ости кемаси” билан 3 йиллик шартнома имзолаган. Унинг трансфери эса испан клубига 4 млн еврога тушган.

Маълумот учун, Лайюн ўтган мавсумни “Порту”да бошлаб, иккинчи даврасини “Севилья”да ижара асосида ўтказган. У Россияда бўлиб ўтаётган ЖЧ-2018да Мексика терма жамоаси сафида барча 4та ўйинда иштирок этди.