Харри Кейн: Модрич қўлга киритган барча мукофотларига мутлақо лойиқ

Англия терма жамоаси форварди Харри Кейн хорватиялик ярим ҳимоячи Лука Модрич ҳақида гапириб ўтди.

“Модрич шубҳасиз дунёнинг энг кучли футболчилари қаторига киради. Мен ёшлигимда “Тоттенхэм”да у билан бироз муддат бирга ўйнаганман. Луканинг қандай қобилиятга эга экани барчага маълум ва у йилдан-йилга ўз ўйинини юқори даражага олиб чиқмоқда.

Модрич шу кунга қадар қўлга киритган барча мукофотларига мутлақо лойиқ эди. Умид қиламанки, Англияга қарши ўйинда у ўзини кўрсата олмайди ва биз ғалаба қозонамиз”, - дейди Кейн.

Эслатиб ўтамиз, ҳозиргина, аниқроғи соат 19:00да “Уэмбли”да Англия ва Хорватия баҳси бошланди.