Хорватия терма жамоаси аъзоси А Серия клубига кўчиб ўтди

Хорватиянинг "Риека" клуби ярим ҳимоячиси Филип Брадарич фаолиятини "Кальяри"да давом эттирадиган бўлди.

Берилган маълумотларга қараганда 26 ёшли Хорватия терма жамоаси аъзоси А Серия клуби билан 2023 йилга қадар шартнома имзолаган. Унинг трансфери эса “Кальяри”га 5 миллион еврога тушган.

Маълумот учун, Брадарич "Риека" сафида 2015 йилдан буён тўп суриб келаётган эди. У ўтган давр мобайнида жами 132 та ўйинда майдонга тушиб, ўз ҳисобига 8та гол ёздириб қўйишга эришган.