Япония терма жамоаси бош мураббийи истеъфога чиқарилади

Япония терма жамоаси бош мураббийи Акира Нишино жорий ой охирида ўз лавозимини тарк этади.

Таъкидлаш керакки, Нишинонинг терма жамоа билан амалдаги шартномаси июль ойи сўнггига қадар имзоланган эди. Япония футбол федерацияси эса у билан ҳамкорликни давом эттирмоқчи эмас.

Хабарларга қараганда ушбу лавозимни ҳозирда ишсиз юрган германиялик машҳур мутахассис Юрген Клинсман эгаллайди.

Эслатиб ўтамиз, Япония Нишино қўл остида ЖЧ-2018нинг 1/8 финал босқичида Бельгияга (2:3) имкониятни бой бериб мусобақани тарк этган эди.