Ярмоленко ярим йил "Вест Хэм"га ёрдам беролмайди

Лондоннинг "Вест Хэм" клуби вингери Андрей Ярмоленконинг жароҳати кутилганидан жиддий бўлиб чиқди.

Клуб расмий сайти тарқатган хабарга кўра 28 ёшли украиналик футболчи жарроҳлик амалиётини бошдан кечирган ва энди у камида 6 ой майдонга туша олмайди.

Эслатиб ўтамиз, Ярмоленко “Вест Хэм” сафига ёзда Дортмунднинг “Боруссия” клубидан 20 млн евро эвазига сотиб олинган эди. У жорий мавсум “болғачилар” сафида 10та ўйинда иштирок этиб, ўз ҳисобига 2та гол ҳамда 1та голли узатма ёздириб қўйишга эришган.