Yoxanna Kontaga Moskva yoqib qolganga o‘xshaydi

Britaniyalik tennischi Yoxanna Konta belgiyalik Elize Mertensni Moskvada o‘tayotgan "Kreml kubogi"ning birinchi davrasida mag‘lubiyatga uchratgan edi.

Yoxxana ushbu uchrashuvdan so‘ng musobaqa haqidagi fikrlarini aytib o‘tdi.

" Men ushbu o‘yindan butkul qoniqdim. Bunday kuchli raqib ustidan qozonilgan g‘alaba menga o‘zimga bo‘lgan ishonchni yanada oshiradi. Men bu erda hech bo‘lmaganda yana bir marotaba kortga chiqaman.

Moskva menga juda yoqdi. Avvalari Rossiyaga kelmaganman, lekin bu erda bo‘lishni xohlar edim. Shu sababli ham menga barcha narsa yangi bo‘lib ko‘rinmoqda. Nima bo‘lganda ham hafta oxiriga qadar Moskvada qolaman", – deydi Konta.