“Yozyovon lochinlari” ham yangi mavsumga puxta tayyorgarlik ko‘rmoqda

Yangi mavsumni Pro-liga “B” da boshlashi kutilayotgan Farg‘ona viloyatining “Yozyovon lochinlari” jamoasi qishki yig‘in davomida bir qator nazorat uchrashuvlarini o‘tkazdi. Bundan tashqari, yozyovonliklar Farg‘ona viloyati "Hokim kubogi" musobaqasida munosib ishtirok etdi.

Mavsum avvalida yuzaga kelgan imkoniyatdan unumli foydalanish maqsadida jamoa vakillari yana ikkita o‘rtoqlik uchrashuvi o‘tkazishni rejalashtirmoqda. Jumladan, 6 mart kuni Farg‘ona davlat universitetining "FarDU" jamoasi bilan va 7 mart kuni "Neftchi" (U-21) jamoasi bilan nazorat uchrashuvi tashkil etiladi. Ushbu o‘yinlarning har ikkalasi ham soat 11:00da Yozyovon tumanidagi "Markaziy" o‘yingohda boshlanadi.