Туриннинг “Ювентус” клуби ўз таркибига “Ливерпуль” ва Миср терма жамоаси ҳужумчиси Муҳаммад Салаҳни қўшиб олишни режалаштирмоқда. Бу ҳақда Sky News Arabi нашри хабар тарқатган.

Трансфер 200 миллион еврога баҳоламоқда. Бу трансферни амалга ошишини туринликлар ҳужумчиси Криштиану Роналду ҳам ижобий қабул қилган.

Маълум бўлишича, Салаҳ бу жамоада бош мураббий Массимилиано Аллегри билан муносабатлари ёмонлашаётган аргентиналик Пауло Дибалага ўрнини эгаллаши керак.

Агар Салаҳ билан шартнома имзоланмаса, “Ювентус” ўз эътиборини Мадриднинг “Реал” клуби ярним ҳимоячиси Марко Асенсиога қаратади.

Салаҳ бу мавсум АПЛда 26 ўйинда 17 гол ва 7 голли узатмага муаллифлик қилган. У тўпурарлик борасида “Манчестер Сити” ҳужумчиси Серхио Агуэро билан қўшҳокимлик қилмоқда.