"Ювентус"га Аргентинадан вундеркинд келди
"Бока Хуниорс" таркибида порлай бошлаган уругвайлик 19 ёшли ярим ҳимоячиси Родриго Бентанкур тез орада Туринда тиббий кўрикдан ўтади.
"Ювентус" истеъдодли ёш футболчи учун "Бока Хуниорс"га 9,4 миллион евро тўлайдиган бўлди. Бундан ташқари туринликлар турли бонуслар кўринишида қўшимча харажат қилишига тўғри келади.
Аслида Италия ва Аргентина жамоаларининг бу футболчи бўйича ўзаро келишуви 2015 йили амалга ошган. Родриго Бентанкурнинг Туринга кўчиб ўтиши машҳур ҳужумчи Карлос Тевес трансферининг бир қисми бўлган.
Бентанкур жорий мавсумда Аргентина чемпионатида 11 та учрашувда майдонга тушди.
Фикрлар