Zidan: 10 kishi qolib, hisobni tenglashtirgandan keyin himoya haqida o‘ylash kerak edi

Madridning “Real” klubi bosh murabbiyi Zinedin Zidan “Barselona”ga qarshi (2:3) kechgan “El-Klasiko”dan keyin fikrlarini bildirib o‘tdi.

“Biz xursand emasmiz. O‘yin davomida ko‘plab vaziyatlar yaratdik, ammo ularning barchasidan samarali foydalana olmadik. Natijadan hayron qolyapman. Messi haqiqiy qahramon. U ikkita gol urib, jamoasiga g‘alaba keltirdi. Ammo u bu ishni bir o‘zi qilmadi.

• “Real” – “Barselona” uchrashuvidan fotogalereya
• Yaralangan qahramon: Messi “Real”dan g‘alabani tortib oldi (Video)

Bir kishi kam bo‘la turib hisobni 2:2 ko‘rinishiga keltirar ekansan, ko‘proq o‘ylash va birgalikda himoyani ushlash lozim. Biz uchunchi golni kiritish haqida o‘yladik va bu bizga pand berdi”, – deydi frantsiyalik mutaxassis.