А Про лигага тушиб кетган "Динамо" катта лойиҳага қўл урмоқда. Энди жамоани испаниялик мураббий бошқаради

Самарқанднинг "Динамо" клуби ва академияси испаниялик мутахассислар билан ҳамкорликни бошлаш арафасида. Бу ҳақда "Спорт" ТВ шарҳловчиси Бобур Акмалов телеграмдаги ўзининг саҳифасида маълум қилди.

El Golazo лойихаси муаллифи Зокиржон Холиқов ва Реал Мадрид фондига шаҳардаги футбол академияси ва "Динамо" бошқаруви топширилиши арафасида. Реал Мадрид Фондейшн "Динамо" мураббийлигига Италия ва Аргентина паспортига эга мутахассис Андрес Роберто номзодини тавсия қилмоқда.

Робертога мураббийлар штабидан Зокиржон Холиқов ўрин олиши мумкин. Шунингдек, "Шердор" клуби бош мураббийи Бахтиёр Сатторовга ҳам таклиф берилиши кутилмоқда.

Маълумотларга кўра, Андрес Робертонинг маошининг ярмини Реал Мадрид билан яхши алоқаларга эга "Ал Мактум" фонди тўлаб беради.