A Seriya grandi Shomurodov masalasida "Roma"ga so‘rov yubordi

“Roma”dagi hamyurtimiz Eldor Shomurodov faoliyatini A Seriyaning boshqa bir grand klubida davom ettirishi mumkin.

Il Messaggero nashri tarqatgan xabarga ko‘ra, 26 yoshli o‘zbekistonlik futbolchiga “Fiorentina” jiddiy qiziqish bildirmoqda. Manbaga ko‘ra, florentsiyaliklar hatto Eldorning transferi bo‘yicha Rim klubiga so‘rov ham yuborgan.

Eslatib o‘tamiz, Shomurodov “Roma” safida 2021 yildan buyon to‘p surib kelmoqda. U bundan avval bir mavsum “Jenoa” tarkibida harakat qilgan.