А Серия клуби учун мавсум тугадими?

"Брешия" клуби президенти Массимо Челлино А Серия жорий мавсуми давом эттириладиган бўлса ҳам жамоа майдонга қайтмаслиги ҳақида айтиб ўтди.

"Яна бир маротаба қайтараман, агар чемпионат давом эттириладиган бўлса ҳам йигитларни майдонга тушишига рухсат бермайман. Яхшиси, биздан очколарни олиб ташлай қолишсин. Барча жавобгарликни ўз бўйнимга оламан.

Футболимиз раҳбарлари Брешиядаги аҳволни ўз кўзлари билан кўришсин. Мен А Сериядан четлатилиш хавфидан қўрқмайман, клуб эса банкротликдан узоқда. Агар бу юз берадиган бўлса ҳам яна бир мавсумдан сўнг А Серияга қайта оламиз", - дейди президент.