А Серия. "Рома" - "Сассуоло": Матнли трансляция

Ассалому алайкум, муҳтарам футбол ихлосмандлари. Италия А Серияси 10-туридан ўрин олган "Рома" - "Сассуоло" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+3'
  

  Бурчакдан оширилган тўпни меҳмонлар вакили дарвозага йўллади. Зарбага бироз аниқлик етишмади.

• 90+2'

  Сўнгги дақиқаларда меҳмонлар катта иштиёқ билан олдинга ўтмоқда.

• 90'
  

  Ўйиннинг асосий вақтига 4 дақиқа қўшиб берилди.

• 87'
  

  Жарима майдони яқинида рақибини йиқитган Карсдроп огоҳлантирилди.

• 85'
  

  Эдин Жеко ўрнига Борха Майораль ўйинга қўшилди.

• 83'
  

  Амаду Диавара жароҳат олган Лоренцо Пеллегринини алмаштирди.

• 82'

  Спинаццоланинг узатмасидан сўнг жарима майдони ичида тўп ҳимоячининг қўлига тегди. Бироқ масофа яқин бўлганлиги учун ҳакам ўйинни давом эттиришга рухсат берди.

• 80'
  

  Пеллегрини жароҳат олди. Унга тиббий ёрдам кўрсатилмоқда.

• 78'
  

  Жеконинг хавфли зарбасини дарвозабон катта қийинчилик билан қайтарди.

• 75'
  

  Лукаш Гараслиннинг супер зарбасидан кейин тўп дарвоза тўридан жой олди. Бироқ у тўпни офсайдда қабул қилиб олган экан.

• 73'

  Жарима майдони чизиғида тўпни қабул қилган Жеко бир айланиб олди ва чап оёқда зарба берди. Хавфли зарба бироз ноаниқ кетди.

• 71'
  

  Рақибига нисбатан қоида бузган Жакомо Расподори огоҳлантирилди.

• 70'

  Жамоадоши узатган тўпга Локателли ета олмади.

• 68'

  Меҳмонлар жарима майдони атрофида тўп ошириб, рақиб ҳимоясидаги бўш ҳудудни изламоқда.

• 65'

  Иккинчи қаватдаги тўп учун курашда Жеко рақибига нисбатан қоида бузди. Ҳакам меҳмонлар фойдасига стандарт белгилади.

• 63'

  Жеконинг жарима майдони ташқарисидан берган зарбаси рекашет натижасида йўналишини ўзгартирди.

• 62'

  Бирга-бир вазиятга чиққан Журичич қулай имкониятдан фойдалана олмади.

• 60'

  "Сассуоло"нинг камсонли ҳужумларидан навбатдагиси ноаниқ узатма туфайли узилиб қолди.

• 57'

  Иккинчи 45 дақиқаликда римликлар фаол ўйин кўрсатмоқда. Ваҳоланки, улар бир киши кам бўлиб ҳаракат қиляпти.

• 54'

  Мхитаряннинг узоқ масофадан йўллаган зарбасига аниқлик етишмади.

• 51'

  Спинаццола қанотдан ёриб кирмоқчи бўлди. Бироқ ҳимоячи уни бироз кескин тарзда тўхтатди.

• 49'

  Жеко яқин масофадан зарба берди. Ҳимоячи тўпни дарвоза чизиғи устидан қайтарди.

• 48'
  

  Бўлимни фаол бошлаган мезбонлар бурчак тўпи ишлаб олди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45+2'
  

  Ҳакамга эътироз билдирган Миранте огоҳлантирилди.

• 45+1'
  

  ВАР голни бекор қилди. Видеотакрорларни ўз кўзи билан кўрган ҳакам гол урилган вазиятда Жеко рақибига нисбатан қоида бузганини аниқлади.

• 45'
  

  Биринчи бўлимга 2 дақиқа қўшиб берилди.

• 45'
  

  ГОООООООООООЛЛЛЛЛЛЛЛ! "Рома" ҳисобни очди!

  Тезкор қарши ҳужумга ўтган мезбонлар рақиб хатосидан унумли фойдаланди. Мхитарян гол муаллифи.

• 44'
  

  Тайм сўнгини меҳмонлар ҳужумда ўтказмоқда.

• 42'

  Римликлар тўпни назорат қилиб, таймни тугатиб қўймоқчи.

• 40'
  

  Рақиб қарши ҳужумини қоида бузиш эвазига тўхтатган Педро иккинчи сариқ карточкага лойиқ кўрилиб, майдондан четлатилди.

• 39'

  Мхитарян жарима майдони ичида рақибларини бирин-кетин алдаб ўтди ва шеригига пас оширди. Ҳимоячи яхши ҳаракат қилди.

• 37'

  Педро бу сафар яхши зарба берди. Тўп тўсин бқорисидан ўтиб кетди.

• 35'

  Педронинг ноқулай позициядан йўллаган зарбаси ноаниқ кетди. Камига, унда офсайд ҳам бор эди.

• 33'

  Берардининг узатмасини қабул қилиб олган Журичич бирга-бир вазиятга чиқиб борди. Бироқ тўпни ўзидан узоқлаштириб юборганлиги туфайли Миранте уни зарарсизлантира олди.

• 32'

  "Бўрилар"нинг тезкор қарши ҳужуми Педронинг муваффақиятсиз узатмаси туфайли тўхтаб қолди.

• 30'

  Пеллегрини марказга тўп оширди. Ҳимоячилар уни майдон ташқарисига чиқариб юборди.

• 28'

  Локателлининг зарбаси ноаниқ чиқди. Яхўи имконият қўлдан кетди.

• 27'

  Жарима майдони яқинида Кумбула қўполлик ишлатди. "Сассуоло"да яхши стандарт юзага келди.

• 25'
  

  Рақтбга нисбатан қоида бузган Гонсало Вильяр огоҳлантирилди.

• 23'

  Локателли ҳужумда қоида бузди.

• 20'
  

  Бурчакдан етказиб берилган тўпга Жеко бош билан зарба берди. Тўп тўсин юқорисидан ўтиб кетди.

• 18'
  

  Максим Лопес симуляция ишлатгани учун сариқ карточкага лойиқ кўрилди.

• 16'

  Вақт ўтган сари римликлар ҳам фаолликни оширмоқда.

• 14'

  Локателлининг зарбаси ноаниқ кетди.

• 13'

  Жарима майдонига узатилган тўпни "Рома" ҳимоячилари узоқлаштирди.

• 11'
  

  Рақибининг юзига қўли билан зарба берган Педро огоҳлантирилди.

• 10'

  Педронинг зарбаси дарвозагача етиб бормади. Тўпни ҳимоячи қайтарди.

• 8'

  Майдон ҳолати ёмонлиги ўйинга ўз таъсирини кўрсатмай қолмаяпти.

• 6'

  Мхитаряннинг зарбасига аниқлик етишмади.

• 5'
  

  Бурчакдан оширилган тўпни "Рома" футболчилари жарима майдонидан узоқлаштирди.

• 3'

  "Сассуоло" футболчилари тўп назоратини қўлга олишга ҳаракат қиляпти.

• 1'

  Меҳмонлар илк дақиқадан олдинга ўтди. Ўз жойини ташлаб, олдинга чиққан Миранте Журичичга зарба бериш имкониятини қолдирмади.

• 1'
  

  Ўйин бошланди!

• 0'

  Футболчилар майдонга тушиб келди. Ўйин бир неча дақиқалар ичида старт олади.