А Серия. Роналду "Ювентус"ни мағлубиятдан сақлаб қолди

"Жузеппе Меацца" стадионида кечган учрашувда кучлар тенг келди - 1:1. 7-дақиқада Ража Наингголан ўзининг аниқ зарбаси билан ҳисобни очди. 62-дақиқада эса Миралем Пьяничнинг узатмасидан сўнг Криштиану Роналду тўпни дарвозага жойлаб қўйди ва беллашувда бошқа ҳисоб ўзгармади.

Шу тариқа муддатидан олдин чемпион бўлиб улгурган "Ювентус" ҳисобидаги очколар сони 88 тага етди. "Нерадзуррилар" эса 62 очко билан 3-поғонада боришмоқда.