А Серия учрашуви нега қолдирилди?

Италия А Сериясининг 13-туридан ўрин олган "Лечче" ва "Кальяри" жамоалари баҳси ноқулай об-ҳаво сабаб бошқа кунга қолдирилди.

Football Italia нашри тарқатган хабарга кўра кучли ёмғир сабаб майдон футбол ўйнаш учун имконсиз ҳолатга келган. Таъкидлаш керакки, жамоа сардорлари ўйин ўтказишга розилик билдиришган, бироқ ҳакам ўйинни қолдирган.

Эслатиб ўтамиз, “Лечче” А Серияда 17-ўринда, “Кальяри” эса 5-ўринда бормоқда.