А Серияда мавсум старти санаси ўзгариши мумкин

Италия чемпионати старти белгиланган муддатдан бир ҳафта ортга сурилиши мумкин.

Il Corriere della Sera нашрининг маълум қилишича, А Сериянинг бир гуруҳ клублари мавсумлар оралиғидаги танаффус узоқроқ бўлиши учун лига раҳбариятидан мавсумни бир ҳафта кечроқ бошлашни сўраб мурожаат қилмоқчи. “Интер” эса, бундан ташқари яна бир ҳафта сўрамоқчи. Таъкидлаш керакки, 21 август куни Европа лигаси финалида иштирок этган Антонио Конте жамоаси мавсумни чемпионатнинг бошқа клубларидан кўра анча кеч якунлади.

Италия А Серияси эса 19 сентябрда бошланиши белгилаб қўйилган.