А Сериянинг 7 та жамоаси мавсумнинг давом эттирилишига қарши чиқмоқда

Италия А Сериясида 2019/20 йилги мавсумнинг давом эттирилиши сўроқ остида қолмоқда.

Football Italia нашри тарқатган хабарга кўра, "Торино", "Сампдория", "Болонья", "Парма", СПАЛ, "Брешия" ва "Удинезе" клублари мавсумнинг давом эттирилишига қарши. Ушбу жамоалар жорий мавсумни муддатидан аввал якунлаш тарафдори.

Юқорида номлари тилга олинган жамоалар мамлакатда коронавирус туфайли юзага келган эпидемиологик вазият бунга имкон бермайди, деб ҳисоблашмоқда.

Италия А Серияси март ойи ўрталарида Covid-19 сабаб номаълум муддатга тўхтатиб қўйилган эди.