А Сериянинг янги мавсуми бошқача форматда ўтказилиши мумкин

Италия футбол федерацияси раҳбари Габриэле Гравинанинг сўзларига кўра, А Сериянинг янги мавсуми янги форматда ўтказилиши мумкин.

“Агар турнир 12 сентябрда бошланса, мавсумни ўз вақтида якунлаш учун қишки танаффус пайтида баъзи саналарни кечиктиришга тўғри келади. А Серия одатий форматда бошланишига умид қиламан, аммо бошқа вариантлар ҳам чиқариб ташланмайди.

"Б" режаси - плей-офф ва плей-аут. Бу ҳам спорт принципини кафолатлайдиган тезлаштирилган формат”, - дейди Гравина.