А Сериясининг икки етакчи клуби Швейцария терма жамоаси ҳужумчисини олишни истамоқда

«Ренн» ва Швейцария терма жамоаси ҳужумчиси Брель Эмболо ёзги трансфер ойнасида жамоасини алмаштириши ва Италия А сериясига йўл олиши мумкин.

Инсайдер Бен Жейкобс маълумотларига кўра, 29 ёшли швейцариялик футболчига «Наполи» ва «Милан» жиддий қизиқиш билдирмоқда. Иккала клуб ҳам ҳужум чизиғини кучайтириш учун янги футболчи изламоқда. «Ренн» раҳбарияти Эмболони сотиш орқали тахминан 15 миллион евро ишлаб олишни режалаштирган. Эслатиб ўтамиз, Брель Эмболо шу пайтгача «Монако», «Шальке», Менхенгладбахнинг «Боруссия»си ва «Базель» таркибида ҳам ўйнаган.

Маълумот учун, ўтган мавсумда Эмболо Франция чемпионатида «Ренн» сафида 31 та ўйин ўтказди. Ҳужумчи ҳисобида саккизта гол ва учта голли пас мавжуд.