Абдуғани Камолов: "Кейинги йили бошқа клубда ўйнайман"

“Турон” клуби 25-турда ўз майдонида “Андижон” жамоасига 1:3 ҳисобида имкониятни бой берди ва расман Суперлига билан хайрлашди. “Турон” сафида тўп суриб келаётган Абдуғани Камоловга айрим саволлар билан мурожаат қилдик.

- Учрашув ҳақида нималарни айтган бўлардингиз?

- Ўйинга 3 кун қолганида йиғилгандик. Жамоанинг асосий футболчиларидан бир нечтаси кетди. Уларнинг ўрни ўринбосарлар таркибидаги ўйинчилар билан тўлдирилди. Учрашувга келадиган бўлсак, қўлимиздан келганича ҳаракат қилдик. Охирги учрашувни яхши нотада тугатиб қўймоқчимиз.

- “Турон” Суперлигани тарк этди. Бу сизларга қандай таъсир қилмоқда?

- Албатта, салбий. Ҳамма футболчини исм-фамилияси бор. Жамоани про лигага тушиб кетгани ҳаммага минус бўлди. Биз қўлимиздан келганича ҳаракат қилдик.

- Жамоа билан бирга про лигада қоласизми ёки...

- Худо хоҳласа, кейинги йили бошқа клубда ўйнайман. Шартнома тугаяпти.