Абдуқодир Ҳусановнинг нархи бир йил ичида неча баробарга ошди?

Англия Премьер-лигасида тўп тепадиган футболчиларнинг трансфер қиймати янгиланди. Натижада Ўзбекистон миллий терма жамоаси ва "Манчестер Сити" ҳимоячиси Абдуқодир Ҳусановнинг ҳам нархи сезиларли даражада ошди.

Transfermarkt портали маълумотига кўра, 21 ёшли футболчининг трансфер баҳоси 35 миллион евродан 50 миллион еврога кўтарилди. Шу тариқа, Ҳусановнинг қиймати 15 миллион еврога ёки қарийб 43 фоизга ошди. Бу эса аввалги нархига нисбатан 1,4 баробар ўсишни англатади.

Ўзбекистонлик ҳимоячининг нархи сўнгги мавсумдаги барқарор ўйинлари ва "Манчестер Сити" сафидаги ишончли ҳаракатлари ортидан оширилди. Янги баҳо билан Ҳусанов айни пайтда Осиё қитъасининг энг қиммат футболчиси бўлиб турибди.

Маълумот учун, Ҳусанов ҳозирда Ўзбекистон миллий терма жамоаси сафида 2026 йилги Жаҳон чемпионатига тайёргарлик кўрмоқда. Вакилларимиз мундиал олдидан навбатдаги назорат учрашувини Нидерландияга қарши ўтказади.