Абрамович ёзда "Челси"ни кучайтириш учун Тухелга қанча пул беради?

"Челси" раҳбарияти бош мураббий Томас Тухелга ёзги трансферлар даврида таркибни кучайтириш учун қанча маблағ ажратиши маълум бўлди.

Sport1.de тарқатган хабарга қараганда, немис мутахассиси мавсумлар оралиғида таркибни ўзи истаган кўринишга олиб келади ва бунинг учун унга 250 миллион евро миқдорида маблағ ажратилади. "Челси" хўжайини Роман Абрамович ёзда навбатдаги супер трансферларни амалга оширишга розилик билдирган.

Бундан аввалроқ "Челси"нинг асосий трансфер нишони сифатида "Боруссия" Дортмунднинг икки азоси - Жейдон Санчо ва Эрлинг Холанд тилга олинаётган эди.