Африка Миллатлар кубоги. Камерун кутилмаганда очко йўқотди

”А” гуруҳи 3-туридан ўрин олган Кабо-Верде - Камерун учрашуви ниҳоясига етди. Унда томонлар 1:1 ҳисобидаги дурангга имзо чекди.

Ўйиндаги илк голни 39-дақиқада номинал меҳмонлар футболчиси Венсан Абубакар киритган бўлса, у томоннинг жавоб голига 53-дақиқада Гарри Родригес муаллифлик қилди.

Мазкур натижадан сўнг Кабо-Верде 4 очко билан гуруҳда 3-ўринни эгаллади ва ҳозирча уларда плей-оффга чиқиш имкони бор.

Камерун эса 7 очко жамғарган ҳолда, гуруҳни 1-ўринда якунлади. Шу тариқа, ушбу юрт вакиллари тўғридан-тўғри плей-оффга йўл олди.