Агар Месси "Барселона"ни тарк этадиган бўлса, бизнинг олдимизга келади

Аргентинанинг «Ньюэллс Олд Бойз» клуби вице-президент Кристиан Д’Амико "Барселона" сардори Лионель Мессининг жамоага ўтиш имкониятларини юқори баҳолади. Бу ҳақда Sport.es хабар берди.

— Агар Месси «Барселона»ни тарк этса, у бизнинг олдимизга келади. Мен аллақачон Аргентина федерацияси президенти билан гаплашдим. У бизга бу борада ёрдам беради. Чунки федерация раҳбари Лео билан яхши дўст, - деди Д’Амико.

Мессининг ўзи ҳам "Барселона"ни тарк этадиган бўлса юртига қайтиб ўзи учун қадрли бўлган «Ньюэллс Олд Бойз» клубида фаолиятини якунлашини бир неча бор айтиб ўтганди.