"Агар Месси бўлмаганида..."

УЕФА президенти Александр Чеферин ПСЖ ҳужумчиси Лионель Мессининг Аргентина терма жамоасининг ЖЧ-2022даги ғалабасига қўшган ҳиссасини юқори баҳолади.

"Агар Аргентинада Месси бўлмаганида, улар жаҳон чемпионатининг 1/4 финалига ҳам чиқа олмаган бўларди. Майдонда нима қилишни билмасангиз, тўпни Лионелга беринг! Натижада Аргентина ҳақли ғалабага эришди. Финал ўйинида улар Франциядан яхшироқ ўйнашди”, - деди Чеферин.

Эслатиб ўтамиз, Лионель Месси Қатардаги мундиалнинг энг яхши футболчисига айланди. 35 ёшли ҳужумчи мусобақа давомида 7 та гол урди ва 3 та голли узатмани амалга оширди.