Агар у "Барселона" президенти бўлса, стадионга Месси номини бермоқчи

"Барселона" президентлигига номзод Эмили Русо ушбу лавозимга сайланган тақдирда "Камп Ноу" стадиони номини Лионель Месси шарафига қайта номламоқчи.

“Мессининг шартномаси мавсум охирида тугайди, аммо у дунё футболи ва "Барселона"нинг тирик афсонасидир. Мен директорлар кенгашини стадионимиз номини “Камп Ноу Лео Месси”, деб ўзгартириш масаласини кўриб чиқишни таклиф қилмоқчиман”, - деди Русо.

33 ёшли Месси бутун фаолиятини “Барселона”да ўтказмоқда. У ўтган давр мобайнида “кўк-анор ранглилар” сафида 742 та ўйинда майдонга тушди ва рақиблари дарвозасига 640 та гол урди.