Шомуродов ФИФАдан хушхабар кутяпти

Ўзбекистон миллий терма жамоаси ҳужумчиси Элдор Шомуродовнинг Конго демократик Республикаси дарвозасига киритган тўпи 2026 йилги жаҳон чемпионатининг энг чиройли голи номига даъвогарлар қаторига киритилди. 

Бу ҳақида жаҳон чемпионати ташкилотчиси ФИФА матбуот хизмати ижтимоий тармоқларда маълум қилди.

Элдор Шомуродов Африка вакили билан  гуруҳ босқичининг учинчи турида  ўтказилган учрашувнинг 10-дақиқасида гол урган эди. Тажрибали ҳужумчи ҳеч ким кутмаган вазиятда, яъни ўткир ва қийин бурчак остида зарба йўллаб, тўпни дарвозабон устидан ошириб, тўпни дарвозага аниқ жойлади. 

Бу гол гуруҳ босқичидаги энг чиройли ижро сифатида эътироф этилган эди.

Энди Шомуродовнинг бу самарали зарбаси  жаҳон чемпионатининг энг чиройли голини аниқлаш мақсадида ФИФА томонидан тузилган якуний рўйхатга киритилди. 

Ушбу рейтингдан жами 12 та гол жой олди. 

Энг яхши гол мухлислар овози орқали аниқланади, овоз бериш 48 соат давом этади. Номинантлар орасида Испания терма жамоаси ҳужумчиси Ферран Торреснинг Аргентинага қарши финалда урган (қўшимча дақиқаларда 1:0) ғалаба голи ҳам бор.

Даъвогарлар тўлиқ рўйхати қуйидагича: Карим Алайбегович (Босния ва Герцеговина, Қатарга қарши), Хулиан Альварес (Аргентина, Швейцарияга қарши), Жуд Беллингем (Англия, Францияга қарши), Сидни Кабрал (Кабо-Верде, Аргентинага қарши), Эрлинг Холанд (Норвегия, Бразилияга қарши), Вильсон Изидор (Гаити, Марокашга қарши), Элайджа Джаст (Янги Зеландия, Эронга қарши), Дайзен Маэда (Япония, Швецияга қарши), Килиан Мбаппе (Франция, Сенегалга қарши), Лионель Месси (Аргентина, Жазоирга қарши), шунингдек, юқорида келтирилганидек Элдор Шомуродов ва Ферран Торрес номзоди ҳам бор.

Қуйидаги линк орқали Элдор Шомуродов голига овоз бериш мумкин:

https://play.fifa.com/gott/

Ҳусанов келажаги учун курашни бошлади

Ҳусанов жаҳон чемпионатида муҳим фигура бўлиб чиқди

Ўзбекистоннинг мундиалдаги иштироки қандай баҳоланди?

Шомуродов ўзини ҳақоратлаган фанатга қўнғироқ қилди

Месси ва Роналду, ана энди иккаланг ҳам Ҳусановга тан беринглар!

Ўзбекистонликларни Ҳусановнинг “Сити”даги келажаги қизиқтиряпти