Агент туфайли Холанддан воз кечишди

“Манчестер Юнайтед” раҳбарияти Эрлинг Холандни олиш ниятидан қайтди.

Маълумотларга қараганда, бунга футболчининг агенти Мино Райола билан манчестерликларнинг ўзаро муносабати яхши эмаслиги сабаб бўлган. Сульшер клуби хўжайинлари вақтни зое кетказмай, бошқа ҳужумчига эътибор қаратишга қарор қилган.

“Манчестер Юнайтед” раҳбарлари жорий мавсумда тўпурарлик қобилиятини намойиш қилаётган Доминик Кэлверт-Льюин трансфери бўйича “Эвертон”га мурожаат қилишга тайёргарлик кўряпти. 23 ёшли футболчи чемпионатда 14 та ўйинда 11 та гол уришга муваффақ бўлди.

Доминикнинг амалдаги шартномаси 2025 йилгача амал қилишига қарамай, уни 45 миллион еврога сотиб олиш мумкин.