АГМК - "Ал-Ҳилол": 0:3! (матнли трансляция)

  • 28 Apr 00:15
  • Javokhir Azimov
  • 3
  • Football
TIGGO 2 PRO

Ассалому алайкум, қадрли футбол ихлосмандлари! Осиё Чемпионлар Лигаси 5-туридан ўрин олган АГМК - "Ал-Ҳилол" учрашуви матнли трансляция кўринишида эътиборингизга ҳавола этилади.

  • 90+4'

    Учрашув якунланди. АГМК навбатдаги мағлубиятини қабул қилиб олди. Эътиборингиз учун раҳмат!

  • 90+3'

    "Ал-Ҳилол"нинг сўнгги ҳужуми ўхшамади.

  • 90+'

    Учрашув асосий вақтига 4 дақиқа вақт қўшиб бероилди.

  • 88'

    Навбатдаги бурчак тўпи. Жарима майдони ичида палапартишлик.

  • 87'

    Бурчакдан тўпни Қосимов ўйинга киритди. Хавфли вазият, аммо ҳимоячилар фаол.

  • 86'

    Арабистонликларнинг сўнгги ўзгариши: Аль Бурайк ўрнига Алолаян ўйинни якунлаб қўядиган бўлди.

  • 85'

    Зарбалар сони кўпаймоқда.

  • 82'

    Ботирали Эргашев рақибнинг кетма-кет хавфли зарбаларини бартараф этди.

  • 80'

    Ҳисобни очиб берган Виетто ўрнига эса Ал-Нассер ўйинга қўшилди.

  • 79'

    "Ал-Ҳилол"да ўзгариш: Отайф ўрнига Курди майдонга тушди.

  • 77'

    Майдонда футболчи тиббий ёрдам олмоқда, футболчилар эса чанқоғини қондириш билан банд.

  • 74'

    "Ал-Ҳилол" аъзолари бурчак тўпи ишлаб олишди.

  • 73'

    Ўйин темпи тушиб кетди. Ҳужумлар сони кўп эмас.

  • 71'

    АГМКда сўнгги ўзгариш: Иброҳим Ғофуров ўрнига Шеъроз Жалолов ўйинга қўшилди.

  • 70'

    Рақибларимиз офсайдда қолиб кетди.

  • 69'

    Маюф қойил! Ғофуровнинг бу зарбаси ҳам арабистонлик дарвозабон томонидан қайтарилди.

  • 68'

    Майдонда фақат "Ал-Ҳилол" ўйнаяпти...

  • 68'

    Навбатдаги ўзгариш: Каррильо ўрнига Баҳебри майдонга тушди.

  • 67'

    "Ал-Ҳилол"да ҳам ўзгариш: гол муаллифи Гомис ўрнига Ал-Шаҳри ўйинга қўшилди.

  • 66'

    Санжар Турсунов ўрнига Миржалол Қосимов ўйинни давом эттирадиган бўлди.

  • 64'

    Жарима майдончамиз ичида палапартиш вазият. Ўзимизга гол уриб қўймадик яхшиям...

  • 63'

    Гомис бу сафар зарбани қойиллатолмади. У бош билан яхши ўйнаркан, бироқ оёқда ундай эмас.

  • 62'

    Ўткир бурчакдан Ғофуров жарима зарбасини ижро этди, дарвозабондан суперсейв!

  • 61'

    Виетто 2-бўлимда яйраяпти.

  • 60'

    Ғофуровдан алламбало зарба. Ҳужум ноаниқ якунланди.

  • 58'

    ГОООООООООЛ! Йосир Ал-Шаҳрони ҳужумни тўғри якунлади, "Истиқлол"нинг алами АГМКдан олинмоқда. Ҳозирча, 0:3!

  • 56'

    Навбатдаги ўзгариш: Акром Комилов ўрнига Шоҳрух Гадоев ўйинни давом эттиради.

  • 55'

    АГМКда ўзгариш: Йован Жокичнинг ўрнига Дилшод Жўраев майдонга тушди.

  • 53'

    Каррильо Жокичга нисбатан ўйин қоидасини бузди. Бош ҳакам уни оғзаки огоҳлантирди.

  • 51'

    Айтганча, тайм бошида Касьян ўрнига Полвонов майдонга тушган экан.

  • 49'

    Виетто жарима майдончаси ичида 2 футболчини алдаб ўтди, бироқ якуний зарбага блок қўйилди.

  • 48'

    Ҳимоямиз маркази бугун умуман ўзига ўхшамаяпти! Йигитлар ўзингизга келинг!

  • 47'

    ГООООООООООООЛЛЛ!!! Гомис барибир ўз мақсадига эришди. Бош билан йўлланган зарба дарвоза тўридан жой олди. 0-2!

  • 46'

    Иккинчи бўлим бошланди.

  • 45'

    Футболчилар майдонга қайтишмоқда. Биз ҳам қайтамиз.

  • 45+1'

    Биринчи бўлим якунланди. Танаффус.

  • 45+'

    Учрашувнинг биринчи бўлимига 1 дақиқа вақт қўшиб берилди.

  • 44'

    Сулаймоновнинг узатмаси ўтмади. Бурчак тўпи тепамиз.

  • 43'

    Касьян рақибига очиқчасига фол ишлатди. Бу ҳаракати учун ҳакам унга сариқ карточка кўрсатди.

  • 41'

    Вакилларимиз воқеалар ривожидан олдинлаб кетишди.

  • 40'

    Биринчи бўлимни ҳеч бўлмаганда дуранг билан якунлашимиз керак эди...

  • 38'

    ГОООООООООООООООЛЛЛ!!! Лусиано Вьетто супер зарбаси билан дарвозани ишғол қилди ва ҳисобни очди! 0-1!

  • 37'

    Бурчакдан тўпни ўйинга киритиб берди рақибларимиз, Ергашев тўпни ушлаб олди.

  • 35'

    Юлдошев хавфли ҳужумни тўхтатиб қолди! Оқилона совуққонлик.

  • 34'

    Ўнг қанотдан узатилган тўпни Гамис яна бир бор боши билан дарвозага йўллади!!! Устуннинг ёнгинасидан ўтиб кетди!

  • 32'

    Жарима майдончамиз ичида "Ҳилол" футболчиси йиқилиб тушди, ҳакам ўйин қоидаси бузилмаганини таъкидлади. У ҳақ.

  • 31'

    Аббос Отахоновнинг фаоллиги туфайли рақибнинг ҳужуми бурчак зарбаси билан якунланди.

  • 20'

    Рақибларимиз анча совуққон ўйнамоқда.

  • 29'

    Иккинчи қаватда тўп учун курашда саудиялик футболчига нисбатан ўйин қоидаси бузилди. Жарима зарбаси.

  • 27'

    Шаҳроний футболчимизга нисбатан ўйин қоидасини бузди.

  • 25'

    Шаҳроний қанотдан рейд уюштирди, позицион ҳужумнинг якуни Гамиснинг бош билан берган зарбаси ила якунланди! Ўта хавфли зарба. Яхшиямки унга сантиметрлар аниқлик етишмади.

  • 23'

    Ғофуров офсайдда қолиб кетди.

  • 22'

    Икки футболчимиз тўқнашиб кетди. Уларга тиббий ёрдам кўрсатилмоқда.

  • 21'

    Ўйин бошидаги темп йўқолди.

  • 20'

    Муҳаммад Каннонинг жарима майдончаси ташқарисидан берган кучли зарбаси дарвоза тўсинининг устидан ўтиб кетди.

  • 19'

    Рақибларимизнинг узун паси ҳимоячиларимизнинг фаоллиги сабаб ўтмади. АГМК ўз майдонида тўпни назорат қилмоқда.

  • 17'

    Тўхтатмасдан зарба бериш керак эди!!! Бироқ тўпни қабул қилишда хатога йўл қўйилди.

  • 15'

    Ажойиб ҳужум ташкил этилди, бироқ Турсуновнинг палапартиш вазиятда шошиб қолгани панд берди. Тўп рақибларда.

  • 13'

    Ғофуровнинг зарбасига куч етишмади. Дарвозабон осонгина уни ушлаб олди.

  • 12'

    Бурчакдан тўпни рақибларимиз жарима майдончаси ичига ошириб берди, бош билан берилган зарбага бирозгина аниқлик етишмади. Тўп юқорилаб кетди.

  • 11'

    Касьян йиқилди, ҳакам жарима зарбаси бермади.

  • 9'

    "Ал-Ҳилол" бурчакдан тўпни ўйинга киритиб беради.

  • 7'

    Ҳозирча узатмалар сони кўп ва аниқ. Ҳакам бизнинг футболчига ишонмади, пенальти бўлиши мумкин эди.

  • 5'

    Чап қанотдан узатилган узатма ўхшамади. Қарши ҳужумга ўтиб кетишимиз мумкин.

  • 3'

    Дастлабки дақиқаларданоқ вакилларимиз ажойиб фаоллик кўрсатишмоқда.

  • 1'

    Ўйин бошланди!

Comments

You must be logged in to commet!
&
Shaymardonov Nurbek Nasimovich
28/04/2021 02:02
AGMK uz darajasidan ham bir bosh ustin uynap berdi. yuq narsa bir ikkita yoki. 3. 4. ta uyinga bor qilish qiyin. AGMK shijoat bilan shuncha uynap berdi. uzi aslida AGMK ga aniq bir uyin yuq klubka. Uzbekistonga. Aniq uyin uslubi bor kamandala kam. ochigi AGMK kutgandan kura yahshi uynap berdi. AGMK ochigi Mirjalol Qosimovga.kup vaqt imkoniyat berdi zahira faranti yahshi sponser yahshi. lekin nicha yilderki klubni aniq bir uyin uslubi yuq. Masalan Nasaf olaylik yutqazgan uyinlariga ham maydonga bachala nimaga tushganliklarini va maydonga nimader karomat kursatib aniq uyin uslubi kuproq pas pas bilan uynaydi. tupsiz ham bachala qaysi beri qayerga egallashini aniq. biladi. va qaysi retimdan keyin uyin kuchayterish. qisqasi. Maydonga aqil bilan yondoshadi bachala. shunchaki sentrdan kelib 16 ichiga tup oshirish yoki qanotdan tup tushdimi oshirish yuq.
Abbos Axmedov
28/04/2021 01:58
Агмк қўлидан келганча ўйнади келгусида унданам яхши ўйнаб муносиб қаршилик кўрсатади Омадини берсин хеч қандай этроз йўқ Агмкга. Хамма этроз Пахтакорга
Muhammadrizo Gulomov
28/04/2021 01:02
Эх йутолмаса керак катта эхтимол билан ОКМК