АГМК ОЧЛдаги сўнгги юришини ғалаба билан якунлади

Осиё Чемпионлар Лигаси А гуруҳи 6-туридан ўрин олган "Истиқлол" - АГМК учрашуви ўз ниҳоясига етди. Ўйин Миржалол Қосимов шогирдларининг 1:2 ҳисобидаги ғалабаси билан якунланди.

Учрашув тақдирини ҳал қилган голларга заҳирадан ўйинга қўшилган Полвонов (67') ҳамда Жокич (79') муаллифлик қилди. "Истиқлол"нинг ягона голи  87-дақиқада пенальтидан Соиров томонидан киритилди. Бу АГМКнинг ОЧЛдаги 2-ғалабаси бўлди. Ажойиб ғалаба билан вакилларимизни табриклаймиз!

Шу тариқа, олмалиқликлар ОЧЛдаги дебют мавсумини 7 очко билан гуруҳ босқичининг ўзида якунлади. Якуний ўрин - тўртинчи! Гуруҳдаги нариги баҳсда "Шабаб Ал-Аҳли" "Ал-Ҳилол"ни енггани боис, АГМК 3-ўринга кўтарилиш имкониятидан маҳрум бўлди. Шундай бўлса-да, яхши натижа билан жамоа ҳамда унинг мухлисларини табриклаймиз!

• 90+4'
  

  Учрашув якунланди! АГМК сўнгги турни ғалаба билан якунлади. Эътиборингиз учун раҳмат!

• 90+1'
  

  Ботирали Эргашев сариқ карточка билан огоҳлантирилди.

• 90+'
  

  Учрашувга 4 дақиқа вақт қўшиб берилди.

• 87'
  

  ГОООООООООЛЛЛ!!! Соиров пенальтидан унумли фойдаланди ва ҳисобни қисқартирди! 1:2!

• 86'
  

  Пенальти! АГМК дарвозасига 11 метрлик жарима зарбаси белгиланди!

• 85'

  АГМК сўнгги дақиқаларни ҳимояланиш билан ўтказмоқда.

• 79'
  

   ГОООООООООООООООООООЛЛЛ! Жокич! Тошматовнинг узатмасидан кейин Жокич дарвоза тўрини ишғол қилди! 0:2!

• 76'
  

  Бурчак тўпидан унумли фойдалана олишмади. Қарши ҳужум кўришимиз мумкин.

• 74'

  Ўнг қанот ҳозирча фаол. Голдан сўнг фаоллик янада ошди.

• 71'
  

  АГМКда ўзгариш: Аҳмадалиев ўрнига Сулаймонов ўйинни давом эттирадиган бўлди.

• 69'

  Вакилларимиз катта куч билан ҳужумда ўйнамоқда. Дарвозабондан қайтган тўпни тепган Жокичнинг зарбасини ҳимоячи чизиқ олдидан қайтариб юборди!

• 67'
  

  ГОООООООООООООООООООООООЛЛЛ!!! Комиловнинг узатмасини Полвонов боши билан голга айлантирди! Ҳисоб очилди! 0-1!

• 66'

  Рақибларимизнинг қанотдан уюштирилган ҳужумига аниқлик етишмади.

• 64'

  Устунлик мутлақ АГМК томонда.

• 62'
  

  АГМКда навбатдаги ўзгариш: Фортеснинг ўрнига Тошматов майдонга тушди.

• 60'
  

  Турсунов ўрнига Жўраев тушди. Майдон маркази кучайтирилмоқда.

• 59'

  Майдон марказида вакилимизга нисбатан фол ишлатилди.

• 58'

  Ҳакам қарорлар қабул қилишда айрим камчиликларга йўл қўймоқда.

• 56'

  Гол ўтказиб юборишимиз мумкин эди, бироқ рақибларимизнинг зарбаларига аниқлик етишмади.

• 55'
  

  Раҳмонов қўполлиги учун сариқ карточка билан огоҳлантирилди.

• 54'
  

  Ҳа айтганча, АГМК таркибида 2 ўзгариш юз берган: Шоҳрух Гадоев ўрнига Ҳусниддин Ғофуров, Миржамол Қосимов ўрнига Зафар Полвонов майдонга тушди.

• 54'
  

  Бурчак тўпидан сўнг хавфли ҳужум юзага келмади.

• 53'

  Чап қанотдан уюштирилган ҳужум бурчак зарбаси билан якунланди.

• 51'

  Майдон марказида тўп учун кураш кечмоқда.

• 50'

  Умумий узатмалар сони: 141 - 265! АГМК - "Барса" тактика!

• 49'

  Қанотдан узатилган тўпни Фортес дарвозага тўғирлай олмади.

• 47'

  Иккинчи бўлим ҳам АГМКнинг устунлигида бошланди.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+1'
  

  Биринчи бўлим якунланди. Танаффус.

• 45+'
  

  Биринчи бўлимга 1 дақиқа вақт қўшиб берилди.

• 44'
  

  Фортеснинг узатмасидан сўнг тўп бош билан дарвозага жойланди, бироқ ҳакам гол бўлгунга қадар вазиятда фол бўлган деб топди ва у инобатга олинмади.

• 44'
  

  Қанотдан тўп ичкарига узатилди, рикошетдан сўнги бурчак зарбаси ишлаб олинди.

• 42'

  "Истиқлол" ўз майдонида ҳимояланишдан чарчамади.

• 40'

  "Истиқлол" параллел ўйин натижасига қараб иш тутаётганга ўхшайди.

• 39'

  Майдон марказида АГМК аъзоси фол ишлатди. Тўп "Истиқлол"га қайтди.

• 38'

  АГМК прессинг эвазига ҳимоядан чиқиб кетяпти. Яхши тактика.

• 37'

  Чап қанотдан тожиклар уюштирган ҳужум кучсиз зарби билан якунланди, Эргашев тўпни ўйинга киритди.

• 35'

  Олмалиқликларнинг қатор позицион ҳужумларини рақиб ҳимояси бартараф этмоқда.

• 33'

  Паслар сони 100-165! Устунлик кўп томонлама АГМКда.

• 32'

  Бурчакка яқин нуқтадан Қосимов жарима узатмасини амалга оширди, Раҳмоновнинг зарбасига эса аниқлик етишмади.

• 31'

  Позицион ҳужумимиз давом этмоқда.

• 30'
  

  Гадоев бу сафар ҳам воқеалар ривожидан илдамлаб кетишди.

• 29'
  

  Вакилимизга нисбатан жиддий фол ишлатгани боис тожикистонликлар аъзоси Шаҳрам Сулейманов сариқ карточка билан огоҳлантирилди.

• 28'

  "Истиқлол" майдон марказидан туриб позицион ҳужум уюштирмоқда.

• 26'

  Ўйин темпи юқори. Жамоалар тўп учун курашмоқда.

• 25'
  

  Ажойиб ҳужум ташкил этилаётган жараёнда Шоҳрух Гадоев ўйиндан ташқари ҳолатда қолиб кетди.

• 23'
  

  Элвин Фортес Касьяннинг узатмасини боши билан дарвозага йўналтирди, бироқ бу ҳолатда офсайд ҳам бор экан.

• 22'

  Рақибнинг ҳужуми Эргашевнинг тезкорлик билан чиқиб келиши сабабли якунланди.

• 21'

  Гадоев тўпни ичкарига узатиб беролмади. Хавфли ҳужум бўлиши мумкин эди.

• 20'

  "Истиқлол" тезкорлик билан қарши ҳужумга ўтиб кетиши мумкин эди, бироқ ҳимоячиларимиз яхши ҳаракат қилишди.

• 18'

  Ҳали яққол голли эпизодлар бўлмади. Ҳозирча ҳисоб 0:0, ўйинга мос ҳисоб. Зарбалар статистикаси 2:2.

• 17'
  

  Миржамол Қосимов бурчакдан тўпни ўйинга киритиб берди. Ноаниқ уриниш.

• 16'

  Рикошетли зарбадан сўнг яна бир бор бурчак тўпи ишлаб олинди.

• 15'
  

  Элвин Фортес бурчакдан тўпни ўйинга киритиб берди, Раҳмоновнинг бош билан берган зарбасига аниқлик етишмади.

• 14'

  Позицион ҳужумимиз давом этмоқда.  Турсуновнинг узатмасини ҳимоячи аутга чиқариб юборди.

• 13'

  Паслар сони ва аниқлик кўрсаткичи АГМКда юқори.

• 12'

  Қарши ҳужумга ўтиб кета олмадик. Рақибнинг босими юқори.

• 11'

  "Истиқлол"нинг чап қанотдан уюштирган ҳужуми кросснинг ўта кучлилиги сабаб якунланмай қолди. Ботирали Эргашев тўпни ўйинга киритади.

• 9'

  Майдон марказида 2 вакилимиз рақиб футболчисига нисбатан фол ишлатди. Жарима тўпи.

• 8'

  Гадоевга нисбатан ўйин қоидаси бузилди.

• 6'
  

  Манучеҳр Сафаров ҳамда Санжар Турсунов тўқнашиб кетишди. Турсуновнинг қўли қайрилиб кетганга ўхшади.

• 5'

  Элвин Фортеснинг бош билан берган зарбасига бироз аниқлик етишмади. Тўп устуннинг ёнгинасидан ўтиб кетди.

• 4'

  Чап қанотдан позицион ҳужум уюштиришда давом этмоқдамиз.

• 3'

  Майдон марказидан тўп учун кураш. Рақибларимиз аут ишлаб олишди.

• 2'

  Илк дақиқадан "Истиқлол" уюштирган ҳужум муваффақиятсиз якунланди. Дарвозабон тўпни ўйинга киритади.

• 1'
  

  Ҳакам хуштаги янгради ва учрашув бошланди!

• 0'

  Футболчилар майдонга чиқиб келишмоқда.

• 0'

  Учрашув бошланишига саноқли дақиқалар қолди. Стадион ўйинни қабул қилишга шай!

• 0'

  Ассалому алайкум, қадрли футбол ихлосмандлари! Бугун Осиё Чемпионлар Лигасининг А гуруҳидан ўрин олган 6-тур учрашуви бўлиб ўтади. Олмалиқнинг АГМК Тожикистоннинг "Истиқлол" клуби билан баҳсга киришади.