АГМК яна водий жамоасига қарши,
Ads

Бугун Суперлига 12-туридан ўрин олган яна 2 та учрашуви ўтказилади. Унда аввалги тур Олмалиқда "Навбаҳор" билан куч синашган АГМК бу гал Андижонга боради. Водийнинг яна бир клуби "Қўқон-1912" Жиззаҳда меҳмон бўлади.

Миржалол Қосимов шогирдлари умуман ўзларига ўхшамаяпти. АГМКга нима етмаяпти деган саволга ҳеч ким жавоб бера олмади. Натижада мураббийнинг ўзи ҳам истеъфо сўради. Аммо клуб раҳбарияти Қосимовнинг бу талабини қондирмади ва у ишлашда давом этмоқда. Иккинчи даврада АГМК кучайиши тахмин қилинмоқда. Миржалол Қосимов ёзда қўлга кирита олмаган футболчиларига яна "оғиз солиши" мумкин.

11-тур Олмалиқда "Навбаҳор" билан дуранг қайд этган АГМКни бу гал Андижонда ҳам жиддий синов кутмоқда. Тўғри, таркиб борасида олмалиқликлар бироз кучли. Лекин мезбонларда мураббий алмашган. Бир неча йил "Машъал"да фаолият юритган Александр Хомяков энди "Андижон"ни бошқармоқда. Унинг дебюти дуранг бўлди. Буни қарангки, Хомяков учун яна бир имконият. У иккинчи ўйинни ҳам Андижонда ўтказади. Бу эса ғалаба қозониш имкониятини бироз ошириши мумкин. Ўз навбатида Хомяков ва Қосимов дуэли кўпчилик учун қизиқ бўлса керак. Шу боисдан бу ўйинда ким ғалаба қозонишини тахмин қилиш жуда қийин.

Имкониятлар: 50% - 50%

Улуғбек Бақоев келиб, жиззахликлар ҳам ғалаба қозонишни бошлаб юборишди. Аввал айтганимиздек, Бақоев жамоани кучайтириб юбормаган бўлса-да, футболчиларга ўзларига бўлган ишончни қайтарди. Шу боис жиззахликлар сафардаги баҳсларда очко ишлашмоқда. Ўтган тур Навоийда дурангга эришди. Бу сафар эса ўз майдонида ишлари юришмаётган "Қўқон-1912" билан куч синашади. Бу учрашувда мезбонларнинг устунлигини тахмин қилиш мумкин. Чунки "Сўғдиёна" айни пайтда яхши формада. Жамоа аъзолари ўзларини яхши тушунишмоқда. Қўқонликлар эса Нўъмон Ҳасанов кетгани билан ниманидир ўзгартира олишгани йўқ. Тўғри, ҳозирги кунда жамоани вақтинча мураббий бошқармоқда. Ушбу мутахассис аввал қандайдир натижа кўсатмаган. Бу бор гап. Лекин Нўъмон Ҳасановни бўшатишдан олдин унинг ўрнига яхши мураббийни олиб келиш керак эди. Мана кўриб турганингиздек, қўқонликларнинг натижалари ҳам шунга яраша бўлмоқда.

"Сўғдиёна" - "Қўқон-1912" баҳсида мезбонларнинг ғалаба қозонишларига сабаблар кўп. Жиззахликлар Бақоев бошқарувга келганидан сўнг ўз майдонида ижобий натижалар кўрсатмоқда. Шунинг учун бугун ҳам уларнинг имкониятлари юқори баҳоланмоқда.

Имкониятлар: 60% - 40%

 

Фикрлар

Фикр қолдириш учун авторизациядан ўтинг!
&
Shavkat_boy
22/06/2019 17:00
Uyin juda qiziqarlik bo'ladi meni taxminim 1-1 bo'ladi
&
Shavkat_boy
22/06/2019 16:58
Qo'qonga omad