АГМКнинг "Истиқлол"га қарши ўйини тарихий аҳамият касб этишини билармидингиз?

Бугун Осиё Чемпионлар Лигаси 2-туридан ўрин олган АГМК - "Истиқлол" жамоалари ўртасидаги учрашув бўлиб ўтади.

Мазкур ўйин Марказий Осиё мамлакатлари клубларининг ОЧЛ ҳал қилувчи босқичидаги илк тўқнашуви сифатида тарихга киради. Бундан аввал айнан ушбу жамоалар саралаш босқичида ўзаро кураш олиб борган. Аммо бу квалификацияда юз берган ва бу босқичдаги натижалар аксарият ҳолатларда инобатга олинмайди.

АГМК - "Истиқлол" ўртасидаги "Марказий Осиё дербиси" Тошкент вақти билан 23:59 да старт олади. Ушбу баҳс атрофидаги барча янгиликларни сайтимиз орқали кузатиб боринг.