Агуэро: Бошқа футболчилар у туфайли МЛСга кўчиб ўтишни ўйлайди

Серхио Агуэро Лионель Мессининг МЛСга ўтиши ҳақида фикр билдирди. 

Кеча аргентиналик ҳужумчи "Интер" Майами" футболчиси сифатида таништирилди. 

"Лео Майамида эканлигидан жуда хурсандман. Мен шу ерда яшайман ва биз бу онлардан завқ олишга ҳаракат қиламиз. Кўпчилик уни телевизорда кўришдан завқланади ва энди улар Леони жонли кўришлари мумкин. 

Дўст сифатида суҳбатлашганимизда қаерга боришини сўрамасликка ҳаракат қилдим. Баъзан ундан нима қилмоқчи эканлигини сўрадим. У менга: "Мени мангалда кутинг, ҳамма нарсани тайёрланг, у ерга бораман", деб жавоб берди. 

Месси МЛСни ўзгартириши аниқ. Бошқа футболчилар айнан у туфайли бу ерга кўчиб ўтишни ўйлайди. МЛС ўсишда давом этиши учун қўлдан келганча ҳаракат қиламиз", - деди Агуэро.